握れば拳, 開けば掌

多謝s-ter 同pino 0既留言呀，真的不好意思，過了兩個禮拜才回覆你地。好似好耐冇同大家聯絡，不過見到witch 0既blog，知道佢好似有d困惑，希望你一齊隨心啦! 另一邊廂0係莊小姐0既blog 到見到好多甜言蜜語，雖然我知道你係一個敢作敢言0既人，不過都俾你肉麻死啦!!

呢兩個禮拜真係忙到傻0左，為左準備同出席上星期0係總公司0既會，花左好些時間做presentation 同講左無數個電話。其實自從日本人老板走左之後，我既工作不知不覺地起了很大的變化，就連我自己都係今日靜落0黎0既時候先發覺。以前一直都係自己一個人做事，直接向老板交代﹐做錯事有人幫我解決，受影響0既都只係少數人。而家不知不覺自己0既team 多0左人，要做好自己的工作之餘，仲要兼顧同事仔0既困難，做錯決定的話，再唔會有人幫我揸主意，自己要為成team 0既事負責。因為兼顧多左唔同既project，稍有差錯，就連累好幾個project，仲會影響自己teamate 0既士氣。我開始感到有點吃力，就像一年半前剛進入呢間公司時一樣，什麼都從新開始，其實我原來冇自己想像中咁捱得，咁硬淨。不過我知道自己0既自我復原系統運作得好快0既，低沈0既時候好快會過架啦!

0係之前0既一年半裡面，sun教我學會爭取，學會抓緊機會。0係呢一個月裡面，sun教我學習去放棄，從放棄中得到平衡的結果。放棄永遠比爭取擁有困難，要懂得在適當的時候放手而不要執意擁有真的是一種修行，我會好好學習。

握れば　拳
開けば　掌

有意思!