要讓快樂幸福既感覺留在心靈錢箱裡，為日後既生活儲蓄

雖然冇時間每日update自己個blog ，但係就每日都睇各方好友0既日記，知道大家生活多姿多彩，都為大家高興，尤其係Noona下個monday 就轉工啦，我緊係記得啦，仲有carmen 既狂風浪蝶啦..... Haha, 咪以為我消聲匿跡就乜都唔知喎!!!!!

自從放完假返工之後，又有新既工作分配，每日都有好多唔同既新野要跟，不過，人手double 左，雖然工作量冇乜減少，但係做野舒服左好多。以前唔會有時間好好咁plan，而家人多左，討論多左，大家做野有默契同計劃，成個team 都進步左。雖然咁講，有好多唔同既原因，都係要諗下辦法增值自己，0係工作之餘讓自己既精神有所提升先唔會浪費時間。所以呢排都睇返書，haaa... 以前既我係書虫，但係已經好耐冇好好咁睇下書啦，都係時候pick up 返個habbit ^^

呢排都睇左好多戲，上畫既戲都睇左一半啦。好期待下期既戲呀:

朱古力獎門人11-08-2005 上映
阿嫂04-08-2005 上映
七劍29-07-2005 上映
靈時三點三28-07-2005 上映
學校14-08-2005 上映

始終好想IFC 到睇呀，又好想去食High Tea 呢.. haa.. 唔知幾時真係可以做到呢!!

同太陽一齊，時間過得好快，每一日，每個禮拜都好快過，要珍惜每一秒時間，要讓快樂幸福既感覺留在心靈錢箱裡，為日後既生活儲蓄 ^^

難忘0既Birthday Eve

放左個長假期之後又係返工0既時候啦! 呢幾日都有好多野做，pick up 返之前0既野同做presentation，so far so good. 不過0個個念頭仲係不停咁0係到打轉，要努力啦!

放假0既時候咁岩係我準備左好多0既roadshow 舉行0既日子，雖然第一日冇落去打氣，但係第二日都有落去，真係好開心，見到個場都幾多人，總算冇白費心機。最開心0既都係細佬話原來我地請0既Guest Speaker 係好出名0既Snapshot 攝影師，真係多謝Carmen 介紹個咁好0既Partner 俾我地.. ^^


今個假期係我返左呢間公司第一次請0既長假，緊係要開心d 玩唔好浪費左佢啦! 最重要就緊係同0既太陽celebrate 生日 ^^ 我地去左Macau，雖然係one-day trip, 但係都好好好好玩，食左好多好好味0既野(好掛住美味0既水蟹粥呀!)。0個日0既天氣真係好熱，我地仲上山落山上山落山，不過就算點辛苦都係低0既，因為係咁好天氣先可以影到咁靚

0既相，影到咁靚0既藍天白雲咋! 而我都因為咁熱0既天氣，一反常態，平時唔好汽水0既我都飲左兩罐，利害~!


到傍晚大家都有d 攰啦，於是就去最新0既金沙睹埸到玩。呢個睹埸同葡京有好大分別，冇烏煙瘴氣0既睹廰，冇花枝招展0既小姐，有個表演舞台，有餐廳，感覺就好Las Vagas Feel, 我諗有要求0既大家，都應該prefer 呢到多d!


希望my sun今年過左個難忘0既Birthday Eve 啦^^