努力呀!!!!

今晚見左大二時代暑期工的同事仔，屈指一算，好似已經差不多有四年冇見啦。同事仔當中有當時已經畢左業既fresh grad，同我地一班好好玩既暑期工。 四年冇見，大家個樣都冇變(或者佢地會覺得我老左啦!)，但係就各有成就啦。當時同我做同一個project (諗起0個個計下要炒幾多人既project 就 -.-....) 既 A小姐下個星期六就結婚啦，恭喜哂呀!!!! 知道佢已經買左樓，仲0係媽咪屋企附近，真係好羨慕呀 !! 希望佢地白頭到老啦!

新既一個財政年度，公司都有新既安排，成team人有三個獲升職，我係其中一個。雖然是一件開心事，但係做既野同面對既層面都複雜左好多。正如 sun 0係2年前提過我，做到某個位，0係公司裡面7成係攪人事，3成係做野。而家我就7成對人事，2成傾terms，1成做野，好吃力呀。我諗玫瑰同事都感覺到無型既壓力﹐皆因我shift 左好多野俾佢攪，真係要多謝佢呀!

我知道大家都好忙，畢業之後既5年係好重要架，努力呀!!!!