喜歡獨個兒，因為怕寂寞

好眼瞓既一日呀。琴晚太夜返到屋企，今朝雖然冇遲到，但係到十一點零就開似恰眼瞓啦。一到12:30就好準時咁伏低瞓。唔知點解我老細好似唔眼瞓咁，明明一齊做到咁夜，佢仲要送埋我返屋企先走，今日都可以一d 都唔眼瞓咁，吸毒既人真係利害。

難得五點幾就走，不過已經好多個禮拜冇得閒過，所以去左 festival walk。好鍾意又一城有種好free 同好光既感覺。終於買左schedule book 啦。我覺得schedule book 係要每年換一本既，每一年都有新既計劃，新既事物，所以要有新既schedule book 去記得每一年既事。諗起曾經用過既schedule 就知0個一年發生過乜野事，就好似聽唔同既歌，會諗返0個陣時既開心同唔開心。一個人行左個幾鐘頭，0係logon 撞到兩個同事，見到佢地好開心，感覺舒服就夠了。好喜歡坐0係溜冰場上面既大梯級，一個人坐0係到可以諗好多野，或者乜都唔諗，休息下。今日一面食雪糕， 一面坐0係到發呆，又俾先前撞到既同事見到，於是佢地落左黎陪左我一陣。^^

喜歡獨個兒，因為怕寂寞