我諗選擇性咁活0係自己既世界到係最開心既事

^^ 每一個星期一都係最忙最攰0既一日，不過今日又唔覺得好攰，至少而家都仲係好精神:p

今日終於見識到某某既''氣勢"，雖然個個都話要小心d 佢，而佢平時又真係幾惡，但係我真係冇見過佢鬧人，今日見佢咁近距離咁開火，我都有d 驚。或者我入世未深，對好多野都仲會好單純咁去睇，有時真係唔係好明白點解d 人要擺款。可能人仲會不自覺咁做一d 佢自己都唔鍾意人地咁做既野。我相信某某都一定曾經好似我咁好怕呢d人，唔知佢有冇諗過自己都會變成自己唔喜歡既人，抑或係佢根本就好想做返呢d 人去撫平自已被欺負既不忿心情呢? 除左近距離目擊今日既單方面開火攻擊之外，我都親身受害啦。以後做事都係小心d ，人總係好難猜測既動物，一時對你笑，佢又唔係真係真心高興，唔係對你友善，一時黑口黑面，原來又唔係嬲你。你以為同佢關係唔係好差，點知佢又鬧你，以為 佢同你唔係好熟，點知又會幫你。如果同你幾好傾，但係唔傾一排又當唔識你。我真係冇攪關係既能耐，好在我個人都幾自我，我諗選擇性咁活0係自己既世界到係 最開心既事。仲有，有一個歷久不衰既道理0係呢到都好岩用，就係識得搵對口人，我好記得一段對話，

小丙 : 「請問你仲有冇問題或者唔清楚想了解下架?」
大官 : 「無啦，有都問佢(小丙上司) 啦。」

其實一真都好小心，不過以後會更加小心，都係0個句，同一個錯誤唔可以多犯一次。

今晚個日文老師真係好有趣。感覺好似聽緊收音機，又好似睇緊綜合節目 咁，佢0個d 「之前出現過一個五段動詞，跟住落黎又係乜呢?」，「上半節我地完成左d 單字，我地先休息一陣，稍後落黎我地會睇下d 文形。」哈哈，好似休息就係廣告時間咁。連點名都好有趣味性!! I like this teacher! 佢真係教得幾好，起碼今堂冇瞓覺嘛!!

同Pam 傾左好耐計呀，好開心，佢星期三就走啦，好唔捨得呀。