點解咁得閒寫下野?

點解咁得閒寫下野? 因為我既老細出左trip loh!

咁耐冇寫野，等我記低呢幾個星期既事啦:

14-15/11
去0左上海開會。早機去早機返，全程公司車接送，開左三個會，最終去左邊都唔知，好似冇去過上海咁。不過上海真係好靚，一向愛港0既我，而家0既待移民選擇除左Sydney 之外，就多左上海啦!

5/11
去0左睇Quidam，成個埸0既氣氛好神秘，尤其是個無頭人，皆因無頭人對我黎講impact 好大，細個成日睇埋呢d 無頭人，隱形人，無腳人0既戲，而家大左睇番返而好有親切感。雖然個show 好好睇，但係同老細去睇，真係乜野趣味都冇哂。見到老細個悶樣，我決定將來太陽去邊到做野我都會帶埋一家大細跟住去，咁先至係一家人嘛，好似我老細咁搵d 花花草草0係office 陪，好似有d 孤獨終老0既感覺