終於又出現返啦

沈寂了一陣子0既Bruisy ，終於又出現返啦。其實冇特別0既原因，原本好想快d將幾個禮拜以來努力去做0既網頁，包括一個網上日記公諸於世，不過正因為太過忙碌，而又要求太高，遲遲未做好。不過0係呢幾個禮拜又實在發生太多野，所以要0係到抒發一下！(無錯，Carmen，可能我同你都有d相同:p)

我0既Last Day實在過得好開心，雖然同上一份工一樣忙到最後一刻，不過都開心自己到最後一刻都仲有價值。我諗唔係我0既偏見，亦都唔係因為我都係IT出身至咁講，我都係覺得 IT人係最有人情味既。以前做研究，center d 人雖然0係人地眼中係怪，但係都好有人情味。到呢間公司，最有人情味，會farewell我０既都只有Technical Team０既人，至少，會問候下我而唔係因為八卦０既都係得佢地，所以臨走前一晚同佢地食０既晚飯真係好開心，好希望可以keep 住份friendship。點講都好，對呢間公司0既人都已經徹底失望，離開係好好0既選擇，開心0既同時，只係擔心某d 自以為是0既一撮人以咁0既態度做事，遲早碰釘。

呢排成日都遇返好多以前相識0既人，最好笑就係上日文對策班竟然見返我以前教ecom-icom 0既學生! 點解會記得佢地? 緊係記得啦，我岩岩第一份0係大學0既job 就係教佢地呢班mature student，當時都好驚做唔來，佢地又咁岩係第一個sem，大家都咁緊張，印象特別深。之後到第二份0係大學0既job ，又教返佢地，不過就係最後一個sem，大家都唔同哂，0係佢地身上我學會乜野係自強不息，做IT 已經係勁辛苦，仲要晚晚返到10點至走，好佩服佢地。諗起而家我返三晚堂都已經覺得好攰，其實好唔應該。

距離返新工0既日子有兩個禮拜，本來好想去旅行，出去走走，但係實在冇$$ ~.~ 諗返0係呢間公司到一仙都儲唔到，之前轉工仲可以同noona 去korea 玩，我真係要努力d 啦!

今晚待續