同你一齊幾時都咁開心

又係時候update下個blog啦。星期五晚去左學整蛋糕，今次係栗子mousse朱古力包，聽個名好怪，其他係栗子mousse蛋糕，用朱古力包住咁，其實都幾靚，我覺得都幾好食吖，不過如果0係屋企整就麻煩d，我諗都係整返正常既蛋糕會易d。一齊學整蛋糕既有我既同事，仲有同事既朋友。同事既朋友話一睇就覺得我係教書既，哈哈，我唔係教書架，你估錯啦!!

琴日返左去學校fun fair，唔係見返好多先生，咁多次想見下既Mr. Philip Lee都見唔到，不過見返預科教biology既Mrs. Lee，佢話好記得我。點解? 佢話每次disect老鼠都會記得我，因為我有次整到成手四隻手指都流哂血，估唔到佢咁記得:p 見到Ms. To，佢話要搵返我地返黎幫手做alumni d 野，我一口答應左，不過我可以做d 乜呢? Ms. To仲話有Mentorship Programme，我就話我唔夠experience 做，佢就話我地係唔夠老做 je.. haa.... 仲記得之前既補習都係佢介紹既。 見到Ms. Shirley Li, 佢同以前都係一樣，做老師係咪唔會老既呢?? 佢記得我同小露露個名，仲係冇調亂，好開心^^ 仲有Ms. Sara Yiu, 佢依然係咁靚，咁斯文，我地同佢傾得耐d，仲影左相。Mr. Oliver最攪笑，佢話我幫過佢做drama，但係又講錯個drama 名，我話我係做Antigone ，佢就好surprised 咁問我係做邊個角色，我話係sound effect -,- 佢就即刻去搵返本場刊黎睇，我個樣都冇乜變過吖，佢仲要搵下係邊個，俾佢激死!!!!!! 今年一定要去睇drama，約定你呀 ^^

好耐冇唱k.. 好開心同小露露唱左三個幾鐘頭，同你一齊幾時都咁開心，仲有你呀，好開心你咁趕都黎^^，你唱得好好聽喎!!!!!

^^ 今日要俾心機讀哂d書先!!