當友誼不再的時候，應該去懷愐還是去忘記呢? 抑或是去挽救?

終於有時間停落黎寫下野啦。
太多野要寫啦，由韓國返黎，之後返左兩個禮拜新工，好似好多野咁。好想每日都寫低所發生過既野，但係總係冇時間，一直都覺得好累呀。每日都不停咁衝，停低既時候個腦就不停咁轉，好似冇休息過咁。

<韓國之旅>
五日都冇乜休息過，節目好豐富，好開心呀。雖然係第二次去，不過都有幾個行程上次冇去過，總算有d 驚喜既地方。今次好節制，冇買好多野，但係買返黎既野都好岩用，好滿意。

<返新工>
唔知點解今次返新工冇乜特別既感覺。以前會好興奮，今次就只係拎住個sitting plan 好努力咁記下d 人名，觀察下d 人既脾性同老細既做事方法。不過第一日返到老細已經俾左好多野我睇，之後已經有一大堆數去計，好多野跟啦。短短兩個禮拜都已經對左好多數，出左幾張 invoice 同 cheque，傾左兩個contract 既terms，出左個monthly revenue report，開左三個會，去左倉到load program 落手機到(其實做左半日女工)。d 野都幾ad hoc﹐不過其實都有大project 要跟，但係我又未準備好 ~.~ so far so good ，好希望可以好好咁做落去。 呢兩個星期裡面都observe 到幾多野，發現到既limitations, risks 同adverse situations 都唔係我可以改變既，我諗之後既阻力都會幾大。仲有呀，最唔慣既就係好多人食煙，尤其是食飯既時候食二手煙真係幾辛苦，都唔知要就下定係避開。

點都好啦，唔會容許同樣唔開心既事情發生。

當友誼不再的時候，應該去懷愐還是去忘記呢? 抑或是去挽救? 相信能回到以前一樣既機會係零，也許這樣的想法是單方面的。人總是被動的。開開心心就是了。

要瞓啦.!